【明報專訊】新民黨主席葉劉淑儀噚日朝早慶完回歸後有感而發，喺facebook寫咗差唔多800字嘅感想，點知就畀網民圍插。點解？葉太話去酒店食早餐，有隻半生熟蛋，令佢回想當年喺蘇格蘭讀書時食兩隻半生熟蛋做午餐，然後仲講到獅子山精神。點知有網民就鬧佢咁愛國做乜要去外國讀書同懷念外國食物。 留學拮据午餐兩隻半生熟蛋 葉太話當年生活費緊絀，午餐只能烚兩隻半生熟蛋，而英國好講究，會搞到隻蛋外硬內軟，喺蛋嘅頂部約四分一處開殼，灑少少鹽就食得。但佢話?家去酒店或食肆再食半生熟蛋，大部分食肆唔係煮得太熟，就係冇蛋盅，佢話係因為香港食肆迎合港人同內地遊客口味，半生熟蛋冇市場，二來係啲廚師馬虎，因此覺得香港要重拾獅子山精神。 但唔少網民就群起大鬧佢走去緬懷外國食物，有人質疑大中華有「三色蒸蛋、豆角炒蛋、韭黃煎蛋」，點解反而去鍾情半生熟蛋，有網民話佢崇洋同勾結外國勢力，亦有網民問佢同佢個女點解都去西方國家讀書，而唔揀北大、清華。 網民：點解唔緬懷中式蛋 葉太同Emily講，呢啲留言只係搞笑同挖苦佢而已，佢唔會介意。佢話篇感想其實唔係懷念英國食物，而係懷念認真嘅精神，同埋提醒香港要做國際社會，識多啲嘢。
|
| |
| |
;){kind=small}
;)
