曾德成叫年輕人認識英侵港歷史
[2015.06.22] 發表
【明報專訊】仲有9日就係回歸18年，民政事務局長曾德成噚日喺網誌話，18歲以下人口約佔市民總數嘅15%，話佢哋喺五星紅旗同紫荊區旗下成長，從來無經歷過喺「米字旗」、「龍獅旗」下生活，雖然唔可能有親身經歷嘅前後對比，但歷史係可以認識，而且應該認識。
指香港自古為中國領土
至於德成局長叫大家認識乜嘢歷史呢？德成局長話，香港自古以來就係中國領土，至英國發動鴉片戰爭，先後以武力脅迫清政府簽署《南京條約》、《北京條約》和《展拓香港界址專條》，侵佔香港島、九龍和新界。佢仲提醒大家，二戰期間日本侵佔香港3年零8個月，只係日本投降後，英國拒絕將香港交還中國，爭先派將軍夏慤受降。德成局長喺網誌大講歷史，不過年輕人受唔受落就唔知喇！
更多港聞
相關新聞
