【明報專訊】Emily噚日喺大埔運頭街採訪大埔劍橋安老院涉虐老事件，見到一隊「龍船隊」，睇真啲原來係有人結婚，而新郎就用咗傳統嘅海陸豐鶴佬傳統婚禮娶老婆，由一班戴住彩帽、扒住船槳嘅「水上人家」護送「遊街」，接受街坊祝福。典故話，主要係水上人嘅鶴佬昔日嫁娶，男家女性親屬會「扒龍船」迎親，但原本住漁船嘅水上人已經陸續搬到屋邨，划艇迎親風俗亦改由跳「龍船舞」代替。