【明報專訊】TVB深夜重播的《大時代》播映至29集進入高潮。此劇重播初時翻叮「丁蟹效應」話題炒得熱烘烘。股市繼續升，股民繼續炒，「丁蟹效應」早已破咒；熱捧《大時代》的觀眾則繼續煲劇。直至昨日中港股市現「小股災」，恆生指數一度暴跌逾800點，收市跌626點；有聯想到「丁蟹大反擊」。《大時代》連日劇情，繼方敏跳樓自殺，方家三兄妹被丁家派黑幫人馬掟落街，方展博是唯一生還者……

「不會無了期的升」

在《大時代》中演丁孝蟹的邵仲衡對股票投資有心得，他稱「丁蟹效應」話題好幼稚。邵仲衡稱有一段時間他玩股票玩得好密，但近6、7年已沒有玩，因為沒興趣。對昨日的「小股災」他說：「梗係有上上落落，唔落又點回氣再上呀？不可能不停地上升，好似樓市，現在升到這樣。你記唔記得負資產呢？但現在講負資產哪有人睬你，其實不會無了期的升。」

邵仲衡說「丁蟹效應」好幼稚，這是人心，何時需要提錢走是自己的需要。若個個知道「丁蟹效應」便賣晒股票，哪有人再玩股票？又何須聘請這樣多做證券的人？只是碰巧股市波動或亢奮時期播映《大時代》，事實兩者沒有關係。他說：「若果永遠唔落又點再上？好多因素影響，不能因為說丁蟹效應所以跌市，這個想法好幼稚。」

娛樂組