油尖旺推App介紹餵母乳熱點
[2015.03.07] 發表
【明報專訊】唔少媽媽向Emily訴苦，話香港嘅公眾場所唔夠餵哺室，令佢哋餵母乳有困難。油尖旺區議會婦女事務工作小組最近推出手機程式「油尖旺母乳樂餵哺熱點」，媽媽喺公眾場所按幾下手機，就可以搵到區內適合嘅地方餵哺母乳。
油尖旺區議員黃舒明話於工作小組申請撥款有地域權限，手機程式只限油尖旺區內嘅餵哺室。佢同負責手機程式嘅召集人陳香蓮呼籲政府，將「油尖旺母乳樂餵哺熱點」推廣到其他18區，製作全港母乳餵哺嘅鴨屎(App)方便媽媽使用。下載可用Google Play搜尋「油尖旺母乳樂」，iOS版將於本月中推出。
更多港聞
相關新聞
