【明報專訊】初七「人日」撞正財政預算案公布，但唔少團體都繼續舉辦新春團拜活動，好似福建社團聯會噚日新春團拜，就邀請咗早前帶團去過福建嘅政務司長林鄭月娥出席，林鄭仲用普通話致辭，大讚聯會支持政府。 會上林太借機會講吓政改，佢話按《基本法》落實普選係廣大市民願望，而諮詢仲有個幾禮拜就完結，呼籲大家把握機會發表意見。林太話閩南話名曲《愛拼才會贏》膾炙人口，唔單止代表福建社群奮發拚搏，亦都可以係為香港未來而努力嘅座右銘喎。 林太呼籲大家發表政改意見，福建社團聯會立即響應，即席向林太交上3300份聯會對政改嘅意見，但係林太離開後，成堆意見書仍然喺會場內，唔知係咪之後有專人交畀林太呢？
|
| |
| |
;){kind=small}
;)
