【明報專訊】做過保安局長嘅行政會議成員葉劉淑儀，日前懷疑因誤click有毒電郵附件，又冇定期更改密碼，搞到電郵畀黑客入侵，仲一度畀黑客偷咗大約50萬。政府新聞網好快手，噚日就喺facebook專頁分享咗一段關於網絡安全嘅片段，教大家唔同戶口要用唔同密碼，喺網絡記得唔好隨便提供個人資料，同埋亂咁下載軟件，有網民就留言叫葉劉快啲睇短片學嘢。

可能抽完葉劉水都未夠喉，政府新聞網share片段嗰陣，寫咗句「黑客匿埋暗角，密碼唔改唔得」。一提起「暗角」呢兩個字，Emily就聯想到佔領期間嘅七警傷人案，唔知新聞網網編係咪意有所指呢？