【明報專訊】唔少香港人對「六四」二字有情意結，浸大學生會編輯委員會噚日喺社交網站專頁就話，候選幹事會內閣「弘毅」噚日喺諮詢時話，唔會出席今年支聯會舉辦嘅六四周年晚會。

專頁引述：更重「保住香港」

專頁引述候選外務副會長張崑陽指六四事件絕對值得悼念，但由於內閣唔會將「建設民主中國」視為己任，而比起「平反六四，建設民主中國」，認為?家「保住香港」相對更加重要。

現任浸大學生會外務副會長王瀚樑就話，「弘毅」喺兩日諮詢後，先至將「平反六四」同埋「毋忘六四」剔出政綱，並反對以學聯名義參與平反六四活動，認為「弘毅」一方面指六四值得悼念，但又唔願「負責任」。

佢又話學聯每年以共識決策制度，通過要求平反六四嘅取態，所以擔心若將來浸大學生會唔同意出席六四晚會，學聯仲會唔會攞到共識對六四作出表態呢？

Emily噚晚試過聯絡「弘毅」嘅人，但可能太夜未能聯絡上。