周浩鼎任民建聯副主席大熱 地區有反彈
[2015.01.31] 發表
【明報專訊】民建聯主席譚耀宗日前宣布4月換屆後唔再做主席，連同副主席蔣麗芸共同進退。雖然換屆話係選舉，但大家估計身兼行政會議成員嘅李慧琼會接任主席，兩個副主席嘅空缺，好大機會由青年民建聯主席周浩鼎(Holden)、立法會議員陳克勤接任。不過消息傳出後，Emily聽聞黨內對Holden升呢有唔少意見。
如果Holden做副主席，都算上位上得好快，但Emily聽聞佢幾年前想搵位選區議會時，因為唔肯做地區工作，令地區支部不滿，當年佢曾希望落戶東區、西貢等，但都出現咗一陣就唔見人，即使?家擔任離島區委任議員，今年區選肯定會落場，但有民記中人話，連離島支部成員，都希望佢可以擺多啲時間落區，所以民記唔少人聽聞Holden咁快升呢，感受唔係太好。
Holden得到黨內領導重用，各界估佢要再上一層做副主席應無問題，但究竟係咪令佢明年出選立法會可以睇高一線呢？民記中人就話唔一定，皆因選舉嘅事，始終唔係一兩個人講咗就算。
更多港聞
相關新聞
