李文俊鼓勵囝囝參加青少年軍

[2015.01.24] 發表

【明報專訊】一直致力發展青少年事務嘅「百仁基金」噚日舉行董事局就職典禮，主席李文俊(圖左)被問到會唔會叫自己嘅小朋友參加新成立嘅「香港青少年軍」，李文俊就話會鼓勵3個仔去參加，仲話「有人幫佢教仔係好事」。

李文俊話，佢會鼓勵3個仔去參加，不過，大仔都係得11歲，等佢再大啲就會叫佢去試。佢鼓勵香港年輕人參加，了解一下青少年軍。「百仁基金」會長施榮忻就話要先睇「香港青少年軍」嘅會章同入會手續，先決定畀唔畀小朋友去，但係佢話都覺得青少年軍係制服團體中一個唔錯嘅選擇，仲話對青少年軍「寄予厚望」。

同場仲有立法會議員林大輝，被問到會唔會將「香港青少年軍」引入林大輝中學，大輝笑言自己都係「老青年」，或者可以參加。佢又話，目前青少年軍嘅資料唔多，需要了解多啲。

更多港聞

【明報專訊】上年佔領期間，警方曾經動用催淚彈、警棍甚至警犬，可謂「人力物力」盡出，令市民「大開眼界」。但喺旺角佔領區清場嗰幾日，曾因有警員戴... 詳情