呂迪明喧賓奪主？
機場招聘橫額 大頭相突出
[2015.01.17] 發表
【明報專訊】今、明兩日係「香港國際機場荃灣區招聘日」，朝十晚六喺荃灣綠楊坊商場平台舉行，主辦單位係機管局同荃灣各界協會，仲有一班荃灣區議員，不過公民黨區議員陳琬琛就有意見，佢唔滿意主辦單位點解搵區議員之外，仲搵咗一啲社團協辦，其中一個就係上屆區議會選舉時、佢嘅對手呂迪明。
招聘日嘅宣傳橫額上，呂迪明個名仲大過其他現任區議員，陳琬琛更唔明嘅係，點解呂迪明將大會橫額掛喺自己橫額之上，但咁橋突出呂迪明自己個大頭相(見圖)，街坊遠啲望過嚟，可能會誤會招聘日係呂迪明搞嘅，係咪喧賓奪主咗啲呢？
呂：大會借橫額位 唔知具體
機管會就話，協辦人士、團體係由荃灣各界協會聯絡同邀請；呂迪明回應話，當日大會問佢可否借兩個掛橫額嘅位嚟宣傳，橫額係由大會義工掛嘅，佢唔知具體情况。
(陳琬琛提供)
更多港聞
【明報專訊】食得多鹽同糖對身體唔好，吃得太甜容易肥，太鹹會增加血壓，食物安全中心今年想推動市民減糖同減鹽，喺facebook推出「全城減鹽減...
詳情
相關新聞
