袁詠儀農曆年後造人
恨生女湊「好」字
[2014.12.10] 發表
【明報專訊】袁詠儀(靚靚)昨日以代言身分出席「嬰兒奶粉荷仕蘭發布會」，靚靚表示入行以來首次拍奶粉廣告，認為放入口的食物不可有任何閃失，所以要求產品有衛生證，要經自己試過產品才會合作，賺錢並不是最緊要的事。
靚靚指8歲大的兒子魔童已戒奶，但她身為媽媽，拍奶粉廣告也算適合，身邊很多朋友成為新手父母都會向她諮詢育嬰意見。她最近可以考慮再生小孩，透露已跟老公張智霖(ChiLam)取得共識。靚靚笑着說：「老公問我點解想再生？我說我痕囉！又痕又恨，我身痕！不過這段時間，我比他更忙，最近正在溫州進行拍攝工作，所以計劃在農曆年後開始造人。」她直言恨追個女，湊夠「好」字。
魔童想要弟妹
靚靚與ChiLam早前夫妻檔赴韓國拍真人騷節目，為何不爭取時間造人？靚靚解釋：「身邊經常好多人，瞓到凌晨5時有工作人員入來房間開攝錄機，想拍攝我們瞓醒樣子。」觸發靚靚想再生，另一原因是魔童也想要弟妹，靚靚稱：「魔童說會幫手湊BB我才生，他都有愛心的。他試過抱BB很定，而且鍾意做大佬點人，想我生個出來被他點，可以轉移視線，我就不會再嘮叨他。」
爆囝囝追女仔
魔童是否很受女仔歡迎？靚靚踢爆魔童有很多女性朋友，但為人忠心，鍾意同一個女孩子好幾年：「我有起底，見過個女仔很賢良淑德，幾好的，只怕魔童嚇親個女仔。他約個女仔來家裏開生日會，我說只約她太明顯，叫魔童約多幾個朋友，ChiLam都阻止兩個小孩獨處，要求自己參與派對，被魔童笑他不是細路，結果小朋友在廳玩，ChiLam要留在房。」靚靚大讚魔童比ChiLam更浪漫、幽默，怕否老公呷醋？靚靚說：「個仔排第一位是必然，個仔在ChiLam心目中都是排第一。」
記者：鍾一虹
更多影視
相關新聞
