佔中警察消耗百萬飯盒
政總會議室「被徵用」休息

佔領運動開始後，警隊長期喺政府總部佈防，噚日Emily經過就見到，唔少政總大堂嘅會議室已「被徵用」為警員休息同standby嘅房間，適逢傍晚6點，一班警員行出嚟拎飯盒。（鄭穎瑩攝）

【明報專訊】所謂三軍未動，糧草先行，前保安局長、新民黨主席葉劉淑儀日前喺電台節目話，警員因佔中連日嚟要長時間開工，甚至「聽講有警員要吃同事剩下的半盒飯」，搞到警方要急急澄清有足夠膳食。Emily聽講其實警察一直有充足糧食，佔中以來供應畀前線嘅飯盒已有逾百萬個，唔會待薄啲手足。

曾日供2萬份食物

Emily聽聞，參與處理佔領行動嘅警員分兩更做嘢，每更12小時，每日需預備4餐食物，早前警力緊張時，平均每餐約5000份，即每日預備2萬份食物，呢排旺角清咗場，當然唔使咁多。除了一般飯盒，警方亦有安排漢堡包同三文治等食物，所以至今警員食用咗過百萬個飯盒，都好正常。

而最接近金鐘佔領區嘅政府總部，近日成為咗警察嘅休息同準備「中心」，Emily噚日經過政總大堂，就見到至少有3、4間會議室「被徵用」做警員休息室，警員拎咗飯盒就會入去食；而由東翼通去西翼、平時有用嚟開大型記招嘅會議室，亦有唔少警員喺入面坐，相信係萬一有乜嘢大型事故，就會隨時出動。

更多港聞

摩天輪3人包廂收500元

【明報專訊】位於中環嘅香港摩天輪上周五開幕，頭3日（截至周日）有1.5萬人次乘坐。唔少情侶或一家大細都想包廂，睇維港景色，但之前只有至少15... 詳情

fb被封 葛珮帆感「滅聲」之苦

【明報專訊】facebook近年成為政界同市民接觸嘅重要渠道，不過政見唔同，網民就好易會向facebook舉報，好似民建聯早前多名議員都被人... 詳情

研少數民族學數 梁貫成膺長江學者

【明報專訊】舊年拎咗有數學教育諾貝爾獎之稱嘅費萊登特爾獎（Hans Freudenthal Award）嘅香港大學教育學院教授梁貫成，今年再... 詳情

盧彥慧絕食 醫生最擔心

【明報專訊】佔中開始，醫護義工黃任匡醫生幫忙打點一切，幾乎做咗佔中醫療隊召集人歐耀佳醫生嘅副手。黃醫生喺facebook講番學民思潮黃之鋒，... 詳情

陳茂波陪行會遊大嶼 今訪莫斯科

【明報專訊】發展局長陳茂波噚日陪林煥光、李國章、羅范椒芬等9個行政會議非官守成員去大嶼山考察。佢哋去咗東涌參觀港珠澳大橋工程資訊中心，同舊大... 詳情