鄉議局唔滿意《使徒行者》
[2014.11.19] 發表
【明報專訊】鄉議局執委會噚日開會，談論題目包括無綫劇集《使徒行者》講述丁權問題時被指醜化原居民。鄉議局新界傳統權益委員會主任梁福元，喺會上引述通訊事務管理局回覆話，鄉局投訴唔係通訊局處理範圍，所以會將投訴轉達無綫參考。
究竟套劇講乜辣親鄉紳，原來《使徒行者》9月16日講到一宗爭奪撫養權官司時話，若小朋友有丁權，只要爭取到該小朋友撫養權，小朋友嘅家長可以出售丁權圖利。不過，劇集畢竟係杜撰，鄉議局怕唔怕畀人話干預創作自由？梁福元話呢啲稱唔上係自由，認為所有嘢都要有根有據講事實，唔應醜化咁話。
鄉議局早前喺新界發動27鄉鄉事委員會參與「支持警方反佔中」簽名運動，噚日派成績表，鄉議局副主席林偉強辦事處收到最多有6000個簽名；青衣鄉事會就收集到「零」簽名。
更多港聞
【明報專訊】自由黨田北俊因提議特首梁振英可考慮辭職而被撤銷全國政協職銜，事後人氣上升。港大民研喺10月31日至11月5日訪問1008名香港巿...
詳情
【明報專訊】今年各大院校畢業禮「忽然」被關注，事關畢業生把握機會奇招百出表達普選訴求。按慣例，身為10間資助院校校監的特首梁振英（CY），每...
詳情
相關新聞
