得獎運動員探長者基層戶
[2014.11.10] 發表
【明報專訊】香港賽馬會義工噚日聯同香港精英運動員協會成員落區服務，探訪逾2500戶獨居長者及低收入家庭，參與者包括早前喺仁川亞運會取得獎牌運動員，如滑浪風帆金牌得主陳晞文(左一)、壁球女子團體銅牌得主歐詠芝(左三)，馬會行政總裁應家柏(左二)同行，上門探望「劏房」單親家庭。
義工們好落力，又行唐樓9層樓梯，帶備有兩公斤白米嘅禮物包，探訪一名獨居長者，年輕時當過球員嘅應家柏無腳軟，一口氣就跑上9樓，速度拍得住陳晞文同歐詠芝。歐詠芝雖然打壁球，但原來同馬場好有關係，因為歐爸爸喺沙田馬場任職馬房助理，歐詠芝由出世至今一直住喺馬場內嘅員工宿舍，唔怪得佢同應家柏傾得特別投契。
(賽馬會提供)
更多港聞
相關新聞
