（迪士尼樂園）
《魔雪》兩公主下周駕臨香港
[2014.11.07] 發表
【明報專訊】
獲得奧斯卡最佳動畫及最佳原創歌曲嘅《魔雪奇緣》瘋魔全球，Emily知道今年香港迪士尼樂園嘅「迪士尼雪亮聖誕」會以呢套電影為重頭戲，兩名女主角愛莎女皇同安娜公主下周四(13號)至明年1月4號期間，將首次喺迪士尼幻想世界同大家見面。戲中嘅搞鬼雪人小白同忠心馴鹿斯特，就會喺幻想世界上演戲偶劇場，同大家分享佢哋尋找夏天嘅故事。迪士尼亦會乘勢推出以《魔雪奇緣》為題嘅餐飲，例如有愛莎女皇做裝飾嘅「公主杯裝蛋糕」﹔主題酒店房間亦提供「魔雪奇緣」佈置。
另外，每晚夜間花車巡遊同煙花表演之間，喺美國小鎮大街高8米、掛滿全新LED燈嘅聖誕樹會有亮燈儀式，營造冬日聖誕市集嘅氣氛。
更多港聞
【明報專訊】自由黨立法會議員田北俊上周被撤銷全國政協委員身分後，隨即辭去自由黨黨魁，自由黨最近討論要選番一個黨魁，據聞噚日開會後，正式啟動程...
詳情
相關新聞
