零發言劉江華封「最佳」
網上選擇題：他存在為什麼？

網民噚晚好快製作咗大量有關政改對談嘅惡搞圖，好似為全場無發言嘅劉江華設計對白，話「Alex（周永康），不如畀我總結一下……好！放飯！」。（網上圖片）

另一惡搞圖係有人分別以花瓶、錄音機同垃圾桶形容部分與會官員。（網上圖片）

呢張圖將政府代表畫為《天線得得B》卡通，唯獨劉江華獲特別對待，配以垃圾桶圖案。（網上圖片）

【明報專訊】噚晚6至8點嘅政府與學聯對話，Emily與行家及不少朋友都買定快餐，邊吃邊睇呢場「世紀對談」，有網友仲話睇波都無呢場咁緊張。不過，Emily發現最吸引大家注意及網上留言嘅，唔係Alex周永康、唔係Carrie林鄭月娥，而係喺兩小時對談中一粒聲都無出過嘅政制及內地事務局副局長劉江華，同埋特首辦主任邱騰華嘞！

與學聯對話 邱騰華都無出聲

對談期間唔少網民網媒金睛火眼，「半場」左右已留意到「雙華」仲未講過嘢，去到「中場」已經高呼要求劉江華發言；接着網民「熱烈地彈琴熱烈地唱」式留言，話「劉江華講得最好」、係「表現最多的一個」，又有人極速惡搞會談圖片，如配以「又話不設現場觀眾席？」等字眼，揶揄兩人如觀眾，或製作劉江華心想「幾時放飯」等設計對白。

去到會談尾聲，有人相信劉江華發言嘅願望會落空，決定畀佢DSE聆聽能力測驗滿分，又模擬設問「請問劉江華的存在是為了什麼？」，可選答案有﹕(A)等食飯；(B)湊人數；(C)考Listening；(D)做觀眾等拎康康同暉暉(岑敖暉)簽名等，Emily相信呢條Q好多人都「答中」。

劉兆佳：無話個個要發言

前新聞統籌專員何安達表示，政府隊伍內有人無角色，喺觀眾眼中可能有負面影響，認為政府派出3個人都可以，唔發言嘅兩人變得有啲無謂。不過，全國港澳研究會副會長劉兆佳就話，無話個個都要喺會上發言嘅。

更多港聞

行會成員與警員握手打氣

【明報專訊】金鐘嘅特首辦近期被示威者包圍同封路，特首梁振英（CY）留喺禮賓府工作，而逢周二嘅行政會議亦改咗去禮賓府開兩次會；示威者近日無再喺... 詳情

林鄭賣清英國物業

【明報專訊】政務司長林鄭月娥一向喺英國擁有兩個物業，但行政會議公布新一輪個人利益登記冊，就顯示林太最近已經再無登記喺英國擁有任何物業。林太候... 詳情

太陽能煲水節能又護老

【明報專訊】喺金鐘立法會對出佔領區，一直有環保人士回收同分類垃圾。噚日中午陽光猛烈，有集會者喺立法會對出空地擺放圓形嘅太陽能收集板煲水，其後... 詳情

足球賽贏明星隊 高永文入波

【明報專訊】食物及衛生局長高永文正推動大腸癌篩檢先導計劃，佢噚日就應香港男士健康學會邀請參加一場足球友誼賽，搵嚟「Big4」組合（許志安、梁... 詳情

佔領藝術品成視藝教材

【明報專訊】佔領行動集會區掛起了「百家傘」、法國七月革命名畫被改成女神撐傘圖……佔領事件中藝術品遍地開花，成為視覺藝術科教師的豐富教材，佔領... 詳情