長毛陳鑑林為一張票爆火花
立會委會選主席
[2014.10.10] 發表
【明報專訊】立法會噚日開會選各事務委員會主席，氣氛可謂相當緊張，建制、泛民議員互相叫陣，社民連主席「長毛」梁國雄諗住搵民建聯陳鑑林緩和一下氣氛，點知演變成更多火花?。
噚日開會選工務小組副主席，長毛喺建制派提名經民聯盧偉國做副主席後，再提名民建聯陳鑑林選副主席，連人民力量陳偉業都和議陳鑑林做副主席，但陳鑑林無你咁好氣，工務小組泛民佔多，仲要同自己友鬥，陳鑑林當然唔接受提名。
陳拒長毛要求 鍾樹根幫口
去到之後嘅交通事務委員會時，長毛因為蓋錯印投錯票，要求主席畀張新選票佢。負責會議嘅陳鑑林一口拒絕，仲猛叫秘書收選票。陳鑑林嘅黨友鍾樹根睇唔過眼，幫口叫陳鑑林畀張新選票長毛，最後連立法會秘書都出聲，陳鑑林先至首肯。
更多港聞
【明報專訊】好快又到大閘蟹季節，酒樓唔止要供應大量大閘蟹，仲要有大量包裝濕紙巾，但之前消委會講過濕紙巾有化學成分，愛森商貿公司營運總監王耀民...
詳情
相關新聞
