歧視條例諮詢平機會網站迫爆
[2014.10.07] 發表
【明報專訊】平等機會委員會正就《歧視條例檢討》諮詢公眾，有網民關心新移民同香港居民權利問題，唔少人趁截止前上網發表意見，點知令網站大塞車，一度運作唔到。平機會話因為市民同機構反應熱烈，需要多啲時間準備意見書，諮詢期原本今日結束，?家延長到10月31日。
市民關心 諮詢延長到10月底
有市民打算去平機會網站發表意見，不滿網站運作唔到，打去平機會熱線又飛去留言信箱，質疑平機會有意喺截止前阻市民發表意見。
平機會回覆時否認阻市民發表意見，仲解釋網頁運作唔到，係因為過去兩日好多市民上網睇諮詢文件同交意見書，令電腦伺服器不勝負荷而運作唔到，正設法修復，期望盡快恢復正常運作。平機會又話，因為太多人打去平機會，同事聽唔切電話，先至轉駁去留言信箱。
更多港聞
【明報專訊】警方上周日用催淚彈驅散示威者，引起社會極大迴響，行政會議成員羅范椒芬接受電台訪問時一度落淚，又形容相煎何太急，當時有自稱個女都係...
詳情
【明報專訊】香港大學醫學院三年級生黎曦明參加了美國麻省理工學院舉辦的「國際基因改造工程大賽」，在3名港大學者指導下，暑假期間朝十晚十二做有關...
詳情
相關新聞
