9?23公民課堂時間表曝光
[2014.09.19] 發表
【明報專訊】學聯發起今個月22號開始全港大專學生罷課一周，為咗達到「罷課不罷學」，大會準備咗一連串嘅「公民課堂」，喺23日(周二)開始，由學者輪流公開講課，「上課時間表」相當充實，由早到晚，打頭炮嘅係久未露面嘅中大政治與行政學榮休講座教授關信基，題目係「現實與理想」，仲有科大社會科學部副教授成名講「沒有真普選，會如何影響香港的未來？ 」等。除咗一眾知名學者，仲有較少公開演講嘅嶺大翻譯系教授張南峰，講題係「從半個大陸人的角度看香港的昨天今天明天」。除咗講課，大會仲準備咗對談同電影分享會，分別係「民主回歸vs.港人自主——跨世代對談」同電影導演應亮主講嘅「電影：行動的另一種可能」。如果大家想「上堂」，就可以下周二朝早10點去添馬公園。
更多港聞
【明報專訊】腫瘤探測及地溝油檢測均需利用光譜分析技術，香港大學工程學院及醫學院成功研製出比現有技術快100萬倍的高速光譜分析技術，有望提高腫...
詳情
相關新聞
