紀文鳳被封「築福香港」阿媽

[2014.08.09] 發表

【明報專訊】扶貧委員會轄下嘅社會參與專責小組籌辦為期半年嘅「築福香港」，活動噚日閉幕。身兼扶貧委員會主席嘅政務司長林鄭月娥喺閉幕禮上話，有超過200個機構同團體響應「築福香港」，自發舉辦咗700幾項扶助弱勢嘅活動，受惠人士包括長者、基層家庭、少數族裔同新來港人士等，受惠人數有成10幾萬。

林太喺典禮上大讚「築福香港」工作小組主席紀文鳳，話佢好似「築福香港」嘅阿媽，對所有活動都非常着緊，又話即使「築福香港」結束，都希望其精神「能夠幫人，你的福氣」，可以繼續喺社會延續。紀文鳳就話今次活動開支大約500萬元，當中有300萬由馬會贊助，其餘由政府包底。佢講，如果按一般廣告價值去計算，今次活動嘅效益接近1億銀咁多?呀。

更多港聞