中大1500人睇波
[2014.07.15] 發表
【明報專訊】中大「百萬大道」噚日凌晨人頭湧湧，1500個師生一齊睇世界盃冠軍戰德國對阿根廷，話說噚日撞正中學文憑試放榜日，大學上下一定忙到不得了，但中大校長沈祖堯、副校長許敬文都陪學生通宵睇波，認真唔話得。
除咗在校師生，唔少校友都專登返中大睇波湊熱鬧，好似資深傳媒人區家麟就負責做活動主持；最近好紅嘅中大政治與行政學系高級講師蔡子強，就孖住同系副教授馬嶽客串做足球評述員。德國、阿根廷隊各有粉絲，最終德國喺加時以1:0贏咗，第四度捧走世界盃，但無傷師生和氣，沈校長更加滿場飛同師生影相，仲同足球隊一齊玩花式足球、送出親筆簽名足球，不知幾高興。
更多港聞
【明報專訊】一年一度文憑試噚日放榜，有人歡喜有人愁，其中跑馬地聖保祿中學今屆就誕生兩名7優狀元，包括希望入讀法律系立志做律師嘅黃曉晴，但佢噚...
詳情
相關新聞
