反佔中遊行者力撐張融
講錯「支持反中央」

呢個參加工聯會「反暴力、反拉布」遊行嘅女士，疑將「幫港出聲」召集人周融個名講成「張融」，話「支持張融嘅和平方案」。（無綫新聞畫面）

被稱為「愛港小清新」嘅「愛港行動」召集人陳淨心，噚日攞住國旗參加「愛港之聲」撐警遊行，心情靚爆嘅佢不時舉起勝利手勢影相。（余俊亮攝）

【明報專訊】噚日工聯會同「愛港之聲」分別舉行「反暴力、反拉布」遊行同反佔中撐警大遊行。無綫新聞訪問咗一個參加工聯會遊行嘅女士，唔知係太緊張定係「身在曹營心在漢」，佢竟然對住鏡頭笑稱係支持政府同「支持反中央」，後來有人提水，佢先改口話係「反佔中，一時唔記得咗」。不過，佢之後又疑講錯「幫港出聲」召集人周融嗰名，話「我支持『張融』嘅和平方案」。但無綫喺噚日下午已經刪咗呢個街訪嘅片段喇。

淨心濕身揮旗 拒男士撐傘

另外，久未露面嘅「愛港行動」召集人陳淨心好畀面參加「愛港之聲」舉辦嘅撐警大遊行，仲要手持國旗，「走在最前」擔任旗手。淨心BB一見到記者影相，唔止企定定微笑，仲不斷叫大家「唔該影得我靚啲」。遊行途中突然落起大雨，唔少男士都上前為淨心BB撐傘，但都被佢推開。淨心BB不惜全身濕透都要喺大雨下揮動國旗。

更多港聞

港生綠色畫作Google貼堂

【明報專訊】每逢特別節日或者紀念名人，Google首頁嘅logo都會換上特別嘅圖案或設計，為咗宣揚環保理念，Google早前喺香港首次舉行設... 詳情

狗哥囡囡唔怕嘈 城市論壇?得?

【明報專訊】每個星期日嘅《城市論壇》一直都係唇槍舌劍嘅戰場，近年更多咗肢體衝突，但民主黨副主席蔡耀昌（狗哥）就無有怕，抱埋兩歲幾嘅囡囡去做觀... 詳情

謝偉銓想帶團去井岡山

【明報專訊】特區政府上周二向以色列發出黃色旅遊警示，搞到立法會工商事務委員會原定嘅8月外訪以色列行程要取消，但Emily就聽聞，各黨派議員喺... 詳情

民記新書軟銷吸年輕人

【明報專訊】民建聯一直希望吸引年輕人、專業人士入黨，繼早前拍短片賣廣告，近日又出書，訪問咗19個年輕黨友，講吓佢哋點為理想拚搏或做好地區工作... 詳情

財爺暗諷議員係偏心母親

【明報專訊】工黨李卓人早前用《聖經》中所羅門王話要斬開BB一半，去分辨BB真正母親嘅比喻，批評政府如果真係關心民生議題，就應該將重要嘅民生項... 詳情