【明報專訊】海洋公園公布喜訊，再有新成員。園方話上周四(16日)晚上9時51分，川金絲猴「樂樂」誕下佢喺香港嘅第四個BB。公園話「樂樂」同BB皆健康良好，BB暫未確認性別和體重。而為畀川金絲猴媽媽同BB靜養，「香港賽馬會四川奇珍館」嘅川金絲猴展區已暫停開放，展館亦會實施人流管制。 川金絲猴BB係媽媽「樂樂」同爸爸「其其」喺香港誕下嘅第四胎。海洋公園公司主席龐建貽話，川金絲猴喺國際自然保護聯盟《瀕危物種紅色名錄》被列為瀕危物種，認為公園再次成功繁殖川金絲猴，見證團隊致力保護及繁殖具高保育及教育價值物種嘅成果。 海洋公園於2017、2019及2021年分別迎來3隻雄性港產川金絲猴「樂奇」、「小花生」和「小黃豆」，佢哋已去咗成都動物園居住，參與川金絲猴保育計劃。
|
| |
| |
;){kind=small}
;)
