【明報專訊】蔡卓妍(阿Sa)明天42歲生日，日前與張繼聰、胡楓(修哥)和吳家忻等在麻將館拍賀歲片《祥賭必贏》煞科戲，劇組在片場為阿Sa預祝生日，準備了有啤牌、籌碼、麻將及金幣元素的生日蛋糕，內藏寓意「大紅大紫」的現金。阿Sa邊揭生日牌，邊拉出一張張紅色和紫色銀紙，表現驚喜，「現金啊，係現金啊，我第一次收咁嘅蛋糕！好鍾意個蛋糕，鍾意個餡呀！」張繼聰帶領大家唱生日歌，阿Sa搞笑接唱「Happy birthday to me」。 張繼聰難捨過去一個月每天跟大家即興創作爆笑橋段的歡樂時光，「我覺得成個過程超開心，非常愉快，希望將這個快樂放落電影，剪接到一個好快樂的作品畀大家睇」。阿Sa表示很久未拍過一套戲過程這麼開心，「每日都好期待返工同大家玩，一齊創作更加多好笑的情景同人物，「我覺得太正，有少少唔捨得」。阿Sa爆張繼聰拍戲笑到扭傷頸，張繼聰取笑朱栢康笑到翌日起身周身痛，好似拍武打片，拍到腹肌痛。 首次參演賀歲片的吳家忻稱第一次與這麼多前輩合作，超緊張又超開心，「感受喜劇那種即場發揮的魔力」。修哥亦大表不捨，好高興能夠同幾名後輩合作，希望電影叫好叫座。 娛樂組
|
| |
| |
;){kind=small}
;)
