【Emily】多人做官 選委人數減擬補選
[2022.08.26] 發表
【明報專訊】幾個立法會議員同政界人士早前「轉跑道」加入政府，由於部分人辭任或唔可以兼任選委，選舉事務處最新公布選委人數少咗7個，去到1443人嘅新低，如果對比5月8日特首換屆投票日，足足少咗18個。聽聞當局準備12月舉行立法會選委會補選。
因轉跑道或辭職而唔再係選委嘅官員包括：副律政司長張國鈞、創新科技及工業局長孫東、醫務衛生局長盧寵茂、民青局長麥美娟、商經局長丘應樺、審計署長林智遠、文體旅局政治助理招文亮。
選舉事務處又話，查閱選區分組界別選民登記冊，同埋就取消登記名單限期原定噚日屆滿，但由於掛八號波嘅關係，所以順延至今日下晝6點先結束。
更多港聞
【明報專訊】政府噚日宣布委任選委會界別議員梁毓偉擔任青年發展委員會副主席，接替獲委任為民青局副局長嘅梁宏正，任期至明年3月。梁毓偉話十分榮幸...
詳情
相關新聞
