「得嘅！得嘅！得嘅！」
「洪醫生，何解你突然在走廊怪叫，還要叫得如此熱血沸騰？」
「Jean，你有所不知了，每次重要行動之前，譬如入手術室、授課、演說、投稿國際期刊、買六合彩，我都會慣性大喝三聲『得嘅！得嘅！得嘅！』，咁就一定得、一定成功。」
「……」（反白眼）
「記得當年出道，我也要通過專科考核，但初選因經驗不足未能及格。然而失敗乃成功之母，補考時我在試場外喝了聲『得嘅！』來集氣，可惜也鎩羽而還。第三次應考前，我再喝多次總共兩聲『得嘅！得嘅！』，但仍未夠氣勢過關。到最後一次機會（註：舊制專科試如果不及格四次便會被『搣飛』，即永久取消參賽資格），我已累積三連敗，便拍住心口大喝（老虎都要）『得嘅！得嘅！得嘅！』，果然一矢中的，拿下專科資格。從此每逢關鍵時刻，我也對自己說要得嘅，而且必定連續叫三次才『老黎』（註：廣東俚語，Lucky、靈驗的意思），我更將經驗與後輩分享，鼓勵他們進入試場前大喝三聲，便能順利過關。」
「唓，你唔俾係伯母日日幫你裝香祈福，全靠祖宗十八代保佑才及格？」
「此言差矣，在我字典裏，從來只有人定勝天。」
「真的相信人定勝天，便不會說大喝三聲才老黎，那跟拜神有什麼分別？就像考試用幸運筆或打幸運領呔、吃腰果肉丁飯（註：『要過』和攞『distinction』）、及第粥，心態根本是同出一轍。行為學家斯金鈉的實驗你應有聽聞，他專門將小動物困在箱中，然後以餌料及電擊等測試牠們的條件反射。斯金鈉訓練了一隻會不斷轉三個圈的鴿子，起初鴿子只是無意識地隨機轉動身體（俗稱『打白鴿轉』），但某次打到第三個轉時，剛好有餵飼員將食物放下，雖然純屬巧合，但鴿子嘗到甜頭，便堅信飼料落下是由於自己打了三個轉，之後更着了魔似的，三個又三個不停地轉圈，直至耗盡餘生。洪醫生，你令我想起那鴿子。」
「我才沒那麼笨轉圈，大喝三聲，飼料一樣會跌下來。」
