【Emily】工聯會百人登艦 有後生讚海軍親民
[2024.11.23] 發表
【明報專訊】由解放軍海軍兩棲攻擊艦「海南艦」、導彈驅逐艦「長沙艦」組成嘅艦艇編隊訪港5日，工聯會噚日組織過百個會員同義工去咗昂船洲軍營，登上軍艦觀賞。
工聯會話，有義工為巨大嘅「長沙艦」感到震撼，爭住同軍艦編隊影相；又有工友覺得新型艦艇反映國家擁有強大嘅軍事實力，感到安全同自豪。另外，亦有年輕人感謝海軍為大家講解設備同武器，讚佢哋親民。
艦艇編隊訪港期間會舉行包括甲板招待會、艦艇開放參觀等活動，工聯會估計有過萬人參加，又話辦呢個活動係為增進港澳同胞對國防、軍隊現代化成就嘅了解。
長沙艦係國產新型導彈驅逐艦，擔負航母編隊、驅逐艦編隊區域防空等任務；海南艦就係解放軍目前最大嘅兩棲戰艦。
更多港聞
相關新聞
